Mwanafikra maarufu wa Kiarabu, Mwalimu Ali Muhammad Al-Shurafa Al-Hammadi, aandika… Waislamu wako wapi na Sheria ya Mwenyezi Mungu na mfumo wake?

Muhtasari:

Katika makala hii, mwanafikra mkubwa wa Kiarabu, Mwalimu Ali Muhammad Al-Shurafa Al-Hammadi, anasisitiza mambo kadhaa muhimu ambayo kila Mwislamu anapaswa kuyazingatia ili kuwa Mwislamu wa kweli:

1. Uislamu ni ujumbe wa Mwenyezi Mungu kwa mwanadamu, na wa kudumu.
2. Kufuata maamrisho ya Mwenyezi Mungu si tu kwa kutekeleza faradhi tano za swala na kuwasadikisha Wanafiq-hi na Wafasiri pekee, bali ni kufuata Uislamu inahitajika Kuirejea Qur’ani kwa kila jambo chanya.
3. Kuepuka kugawanyika katika makundi na madhehebu yanayohasimiana.
4. Kufuata njia ya kutenda mema na yote yaliyo chanya.
5. kujiepusha na dhulma na kudhulumu haki za wengine na kufanya uadilifu.

Maelezo kamili yanakuja:

Sababu Tano za Udhaifu wa Waislamu:

Mwanafikra Al-Shurafa Al-Hammadi, anaelezea katika Makala ya leo, sababu tano za udhaifu na unyonge ambazo zimesabishwa na kuihama Qur’an na kutengana, hivyo anasema:

1. Kujinasibisha na Uislamu:
   Kwanza.. Wamejidanganya watu wanaodhani kuwa wao ni Waislamu kwa sababu tu wanatekeleza nguzo tano na wanawaamini wanafiqh na wafasir ambao wamebalisha maneno ya Mwenyezi Mungu, na wakafanya maneno yatu badala ya maneno ya Mwenyezi Mungu, na hapa watu wakaingia katika marufuku, kwani wameiacha Qur’an kwa ushaidi wa Mtume mwenyewe akilalamika kwa Mola wake kuhusu watu kuiacha Qur’an:
   “ Na Mtume alikuwa akisema: Ee Mola wangu Mlezi! Hakika watu wangu wameifanya hii Qur’ani ni kihame” (Al-Furqan: 30).
2. Mgawanyiko na ungyonge wa Waislamu:
   Pili – Waislamu wameenda kinyume na amri ya Mwenyezi Mungu na wakagawanyika na kuwa makundi mbalimbali..

Mwenyezi Mungu Mtukufu anasema:
“ Hakika walio igawa Dini yao na wakawa makundi makundi, huna ukhusiano nao wowote…” (Al-An’am: 159)

3. Kila kundi lina rejea yake isiyo Qur’an:
   Waislamu wamegawanyika na kila kundi lina kiongozi na chanzo chake mbali na Qur’an. Hili liliwafanya wawe washirikina kama waliopita:
   “ wala msiwe katika washirikina, 32. Katika wale ambao kwamba wameigawanya dini yao, na wakawa makundi “ (Ar-Rum: 31-32)

Kushikamana na Kitabu cha Mwenyezi Mungu na Matendo Mema

Nne – Je, hujiulizi wewe mwenyewe, ee mwanadamu? Umepuuzaje wito wa Mwenyezi Mungu kwako wa kufanya matendo mema, ambayo yatakuongoza kwenye njia iliyonyooka, na kukuandalia Pepo za neema huko Akhera, na hayo ni pale unaposhikamana na Qur’an Tukufu, na kutekeleza amri zake, na kutumia mawaidha yake, na kuepukana na yaliyoharamishwa na makatazo, na kufuata njia ya kheri katika miamala yako na watu, na kusamehe na kusamehe, na kumsaidia masikini na mhitaji. Mwenyezi Mungu Amesema: “ 70.  Na hakika tumewatukuza wanaadamu, na tumewapa vya kupanda nchi kavu na baharini, na tumewaruzuku vitu vizuri vizuri, na tumewafadhilisha kwa fadhila kubwa kuliko wengi miongoni mwa tulio waumba.” (Al-Israa: 70).

Kuacha Dhulma na Uadui

Tano – Na swali linaendelea: Je, umemdhulumu mtu, na ukaingilia haki zake? Na je, umemlaghai yeyote? Na je, umemfikiria vibaya mtu yeyote? Na je, umemchukia na kumuonea husuda yule mwenye utajiri na mali? Na je, umetamania kuwa mahala pake ili kufurahia yale aliyomruzuku Mwenyezi Mungu ya neema zake? Na je, umemdhuru mtu kwa maneno au kwa mkono, au kwa udanganyifu au kwa kumuongopea? Na je, umetimiza yale aliyokuamrisha Mwenyezi Mungu ya kuwatendea wema wazazi na kuwaheshimu, na kuwajali kama walivyokulea ulipokuwa mdogo na wakakuhangaikia katika kukulea? Je, umewaelekeza watoto wako kwenye njia ya haki, na ukawafundisha jinsi ya kushirikiana na watu kwa maneno mazuri, na uvumilivu, na uaminifu, na heshima, na shukrani? Je, umekabiliana na ubaya kwa wema? Je, umefanya huruma na haki na ihsani na kueneza amani na kushirikiana katika wema na uchamungu kuwa lengo kuu katika maisha yako?

Na mwishoni, Shurafa Al-Hammadi anasema: “Hayo ni baadhi ya mawaidha na sheria na hukumu za kimungu katika Qur’an, ambazo kama watu wangezitumia, wote wangeishi kwa amani na usalama na ustawi na maelewano, basi hutakuta ugomvi kati yao, bali maelewano na amani vitaenea.”