Ali Mohammed Alsharafaa Al-Hammadi anaandika:Tunatarajia kufanikisha amani, ushirikiano na uvumilivu kati ya watu katika mwaka 2026

Kati ya mwaka 2025 na 2026.

Mwaka 2025 umepita ukiwa na matukio yake ya kisiasa, kijamii na kiuchumi, na sasa mwaka 2026 unaanzia kwa watu, huku tusijue unayoyatuficha. Hapa tunajiuliza: je, watu wataonyeka na kurejea kwa Mwenyezi Mungu, ili amani ienee duniani, rehema iwashukie watu na baraka ziteremke, kama alivyoonya Mwenyezi Mungu kwa kauli yake tukufu:

“Na hakika tutawaonjesha adhabu ndogo kabla ya adhabu kubwa ili wapate kurejea.” (Surat As-Sajda, Aya ya 21)

Kueneza Amani

Je, Waislamu wataacha ugumu wa nyoyo zao, kuchochea kuwaua wasio na hatia, na wakafuata sheria ya Mwenyezi Mungu na mwongozo wake katika maisha yao, ili waeneze rehema na uadilifu miongoni mwao? Je, wataishi pamoja kwa wema, wakakataza dhulma dhidi ya binadamu, wakashirikiana katika mema na uchamungu, wakashikamana na kamba ya Mwenyezi Mungu ili kueneza amani kati ya watu, na wakaungana kukabiliana na nguvu za shetani na wafuasi wake, wanaopanga njama dhidi ya mataifa kwa lengo la kutawala ardhi, kuwahamisha watu makwao na kumwaga damu kila mahali?

Mwenyezi Mungu Mtukufu amesema:

“Na shirikianeni katika mema na uchamungu, wala msishirikiane katika dhambi na uadui. Na mcheni Mwenyezi Mungu; hakika Mwenyezi Mungu ni Mkali wa kuadhibu.” (Surat Al-Ma’ida, Aya ya 2)

Na amesema pia: “Na ni nani mwenye kauli bora kuliko yule anayelingania kwa Mwenyezi Mungu, akatenda mema, na akasema: Hakika mimi ni miongoni mwa Waislamu.” (Surat Fussilat, Aya ya 33)

Qurani na Furaha

katika mwaka mpya, Je, watu watapata utulivu bila hofu, wasiwasi, dhulma na uonevu? Je, watu watarejea kwenye qurani, ambayo ni siri ya furaha, usalama na uthabiti, inayowaonesha watu njia ya haki na ya upotovu, na kuwaonya dhidi ya dhulma na uadui kwa wanadamu katika kila mahali, ili waishi katika neema, kheri na amani? Je, haki itashinda dhidi ya batili? Na hilo halitawezekani ila kwa kushikamana na kamba ya Mwenyezi Mungu Mtukufu, na kuacha migawanyiko na mifarakano.

Mwenyezi Mungu Mtukufu amesema:

“Na shikamaneni nyote kwa kamba ya Mwenyezi Mungu, wala msifarakane. Na kumbukeni neema ya Mwenyezi Mungu juu yenu, mlipokuwa maadui, akaziunganisha nyoyo zenu, mkawa kwa neema yake ndugu, na mlikuwa karibu na shimo la moto, akakuokoeni humo. Hivyo ndivyo Mwenyezi Mungua anavyokubainishieni aya zake ili mpate kuongoka.”(Surat Aal-Imran, Aya ya 103)

Ushirikiano na Uvumilivu

Namwomba Mwenyezi Mungu leo, katika Ijumaa ya mwisho ya mwaka uliopita, awateremshie watu rehema na baraka zake, na awaoneshe njia ya haki itakayofanikisha amani duniani, ushirikiano na uvumilivu kwa ajili ya kheri ya mwanadamu na Mwenyezi Mungu awaondolee watu ghadhabu na adhabu yake, kwa sababu ya kuzidisha kwao maasi, na kwa yale waliyotenda uhalifu kwa jina la Uislamu, na kwa kujiona wakubwa juu ya sheria ya Mwenyezi Mungu na mwongozo wake.

Na Utusamehe na Utughufirie

Na kila mmoja wetu anamwomba Mwenyezi Mungu leo kwa kauli yake Tukufu: “Mola wetu! Usituchukulie tukisahau au tukikosea. Mola wetu! Usitubebeshe mzigo kama Uliowabebesha waliokuwa kabla yetu. Mola wetu! Usitubebeshe yasiyo na uwezo wetu, na utusamehe, utughufirie,na uturehemu, wewe ndiwe mlinzi wetu, basi utunusuru dhidi ya watu makafiri.” (Surat Al-Baqara, Aya ya 286)

Makafiri ni wale waliokadhibisha aya za Mwenyezi Mungu, wakajivuna juu ya qurani yake, na wakampinga Mwenyezi Mungu kwa uasi dhidi ya imani ya kumuamini Mwenyezi Mungu Mmoja Pekee, asiye na mshirika, Mola wa walimwengu wote, ambaye amesema:

“Ni zake funguo za mbingu na ardhi; Hupanua riziki kwa amtakaye hakika yeye ni mjuzi wa kila kitu.” (Surat Ash-Shura)